|
دڵم ..
ئهوه چهندین ساڵه .. دڵم
وهك زهنگی كڵێسایهكی كاول بوو ..
تۆز و گهردی .. ههموو دونیای لێ نیشتووه!
جاران .. دهستی رهحمهتێ دههات ..
ههزاران ئاوازی رهنگاوڕهنگی .. ههڵدهوهراند ..
ههر ئاوازێـك
ههزاران كۆتره باریكهی تریقه و خۆشی ..
له ئاسمانی چاوهكانما ههڵدهفڕاند ..
ئهمێستا من ..
بوومهته گوندێكی چۆڵا و خهرابات
كڵێسای رۆح ..
بێ سایه و سێبهر و سابات ..!
ههردوو باسكیشم ..
دوو باڵی خاچێكی شكاون
بێ ناز .. كهوتوون!
دڵم .. زهنگی تۆز لێ نیشتووی كڵێسایه
كچه گاورێكی رهنگ زهرد و ..
چاو زهرد و نهخۆش .. عاشقه عیسا ..
نایهت و .. ئهم زهنگه لێــدا ..!
تا خۆڵا و گهردی سهر باڵام
تۆزی ناو گهرووم .. بداته دهم ( با ) ..!
زهنگی چی ..؟
زهنگی ژهنگ گرتوو دڵی منه
ژێر كهوتووی تۆزی خهم و مردنه .!
رهنگه سبهی ..
یان دوای سهدان ساڵی تر
…
ههر به رێكهوت ..
قهلهڕهشێكی رهحمهت
لهسهر زهنگی ئهو دڵه تۆزلێنیشتووهم
ههڵبنیشێ ..!
ئهوسا .. ئاوازێكی كپ و غهمگین
وهك خوێنی رهش .. دادهچۆڕێ.
تك تك دهڕژێ ..
تا كڵێسای كاول بووی عومرم ..
سهرخوێن دهكهوێ ..!
|