|
تا چاو بڕدهكا .. بیابانه
عیشقی تۆش.. چ تهرمێكی گرانه
له كوێ بتنێژم..
كه قهل و داڵیش پڕی ئاسمانه...؟
بێ پێخۆرم..
گۆشتی نێو ههناوی خۆم.. دهخۆم
تینوومه و ..
فرمێسكی چاوانی خۆم دهخۆمهوه
دوا شیعری غوربهتی خۆم و ..
ماڵئاواییت دههۆنمهوه!
كهسێك شك نابهم ..
ئهم تهرمه گرانهم لهگهڵا ههڵبگرێ
له پرسه و كۆچێكی وا گهورهدا.. دڵم رابگرێ
كه من گریام .. ئهویش بگری
كه من مردم .. ئهویش بمرێ
بیابانه ..!
ههموو شوێنێ.. لهبهر چاوم..
گۆڕستانه..!
ئاسمانی سهرووش .. تهم توومانه
منیش نه رۆژم لێ ههڵدێ و ..
نه ئاوا دهبێ
تهرمهكهت وا بهسهر شانمهوه ..
نه دهتنێژم .. نه خۆم دهكوژم
نا كهس نایه ..
كهس سهری پڕ له كهسهرم .. ههڵناگرێ
ههر خۆم تهنیا .. ههڵیدهگرم
كهس به كۆچی تۆ .. نامرێ
ههر خۆم دهمرم ..
1983 / سلێمانی
|